Galicia

177.000 galegos gañan menos de 200 € ao mes e 299.000 non chegan ao salario mínimo

Segundo os datos do Ministerio de Facenda sobre as rendas do traballo, 177.000 galegos cobran menos de 200 € ao mes, unha cantidade que no Estado acada os 2 millóns de persoas. Ademáis, sempres dacordo cos datos oficiais, 299.600 traballadores galegos- o 30,9% do total- gaña menos de 645 €/mes (o Salario Mínimo Interprofesional).

Estas son algunhas das denuncias que fai a CIG quen advirte de que “o cadro de pobreza se instala, de maneira estructural, no mundo do traballo: ter un traballo non asegura vivir fora da exclusión social”.

A central sindical subliña que o Goberno é consciente desta bolsa de pobreza pero “estimula os contratos a tempo parcial porque son o principal activo para reducir o número de desempregados, o obxectivo do Goberno é reducir as estadísticas para poder vender a recuperación económica”.

Ademáis, o sindicato lembra a conxelación do Salario Mínimo en 2013 e 2014 e a “suba residual de 3 € aos mes en 2015”, fronte a países como Alemaña e Franza, onde é de 1.445 € ao mes ou Paixes Baixos, onde chega a 1.485, “o cal proba que a maiores ingresos economías máis sólidas, máis progreso, menos precariedade e menos crise, e non o contrario”, como defende o Goberno do Estado.

A todo isto súmase a conxelación, dende 2015, do Indicador de Rendas Múltiples (IPREM), que queda en 532 €, e que é a base para acceder a diferentes prestacións, como a de desemprego, becas ou dependencia.

Por último a CIG critica duramente a postura de CCOO e UGT que asinaron co Goberno e Patronal un “pacto de silencio”, aprobando medidas como as relatadas, “a cambio de favores na formación a través dos convenios colectivos e, seguramente, a pasividade da Fiscalía e de Facenda da investigación de casos como os EREs de Andalucía”.

 

También te puede interesar