RGPD - Cookies
Vigo al día

Unha ducia de grupos actúan este martes na rotonda de Coia en contra da colocación do barco

Varios grupos musicais xúntanse este martes, día 23 de decembro, ás 7 da tarde, na Rotonda de Alcampo, nunha ‘xornada lúdica’ contra a colocación do ‘Bernardo Alfageme’ en Coia. Segundo os organizadores, está prevista a actuación de Andre, Bruxo, Cloaka Sound, Drama, Duke Sam, El Puto Coke, Frank, Kanido, KLTS, Nervo, Ostia Padre y Perros Norteños, ainda que, “dada a cantidade de músicos e grupos que ofrecéronse para colaborar ainda non están pechadas todas as actuacións”.

Esta iniciativa súmase ás que veñer impulsando veciños e colectivos contrarios á colocación do barco na Avenida de Castelao e que, durante dúas semanas impediron a continuación das obras de adecuación da rotonda para a ubicar nela ao ‘Bernardo Alfageme’.

Pola súa banda, o goberno local segue insistindo en que o barco irá, definitivamente neste lugar ao tempo que o alcalde asegura que esta oposición non é vecinal senon “promovida pola CIG con fins políticos”. Abel Caballero afirmou que “o barco irá a Coia que é donde os veciños queren que se poña” e acusou ao Bloque Nacionalista Galego e á CIG de “usar os cartos dos traballadores para facer política”.

 

También te puede interesar