Non agora mesmo pero sí antes de cumplir 80 anos. O líder de Anova e voceiro de Alternativa Galega de Esquerdas (AGE) ven de confirmar a eldiario.es, que non se presentará as vindeiras elecións ao Parlamento de Galicia, que serán en 2016.
Nunha entrevista que eldiario.es publicará este xoves, Beiras, que xa ten 78 anos, afirma, “non, non serei candidato” e confirma, así, que decisións como ser co-voceiro de Anova xunto a Martiño Noriega, alcalde de Teo, son o anticipo do adeus.
Hai que lembrar que con Beiras como referente do nacionalismo galego, o BNG chegou a ser, en 1997, a segunda forza política de Galicia, con 18 deputados no Parlamento, por diante do Partido dos Socialistas de Galicia-PSOE.
Nas pasadas eleccións, o profesor Beiras levou a AGE a desprazar a o Bloque como terceira forza do Parlamento de Galicia: Alternativa Galega de Esquerda logrou 9 deputados por 7 do BNG.
