Vigo al día

O persoal de mantemento de Meixoeiro denuncia en Traballo a vulneración do seu dereito á folga

Hospital do Meixoeiro

Traballadores do servizo de mantemento do Hospital Meixoeiro de Vigo denunciaron ante a Inspección de Traballo que o Servizo Galego de Saúde (Sergas) vulnera “o dereito a folga ao utilizar traballadores propios para arranxar danos” no hospital.

Logo de 8 días de folga, hai “importantes deficiencias” no centro sanitario, como o feiro de que a lavandería non funcione por unha fuga de vapor, como tampouco funciona a climatización do novo edificio ou dos dos ascensores, problemas que non poden afrontarse porque os servizos mínimos acordados co Sergas e a empresa que xestiona o servizo de mantemento, Isolux, “son insuficientes para atender todas estas función, motivo polo cal sanidade  optou por recorrer a traballadores propios”.

Segundo o persoal, todo a plantilla está a secundar esta folga, que empezou o pasado luns, día 17 para esixir que se garanta a continuación dos postos de traballo e para ter “información real” de Sanidade sobre o plan de servizos non sanitarios da área sanitaria de Vigo.

 

También te puede interesar