Un home morreu este sábado ao caer ao interior dun pozo situado nun terreo particular do lugar de Pardeiros, no concello ourensán de Trasmiras.
Segundo o 112, o suceso tivo lugar preto das 12 e media: un familiar do falecido alertou aos servizos de emerxencia do sucedido para pedir axuda.
Ao lugar trasladouse a Garda Civil, efectivos de Protección Civil e os Bombeiros. Tamén se desprazou un helicóptero medicalizado do servizo do 061 pero o seu médico non puido facer nada por salvar a vida do home, que foi rescatado xa sen vida do pozo.
