A Seguridade Social perdeu en Galicia 4.969 afiliados en setembro con respecto ao mes anterior, o que supón unha caída intermensual do 0,53%, e situouse en 936.669 cotizantes, segundo os datos publicados este xoves polo Ministerio de Emprego e Seguridade Social.
Por provincias, A Coruña ten 398.488 cotizantes e perde 1.906; Pontevedra situouse en 320.610 e perdeu 2.354; Lugo rematou o mes pasado con 117.099 afiliados e perdeu 978, sendo Ourense, con 100.472 cotizantes, a única das provincias galegas na que creceu a afiliación en 269 persoas,
Por réximes, Galicia computou en setembro 697.591 no Xeral- con 664.729 neste, 5.557 no agrario, e 27.305 ligados ao do fogar-; 217.608 en autónomos; e 21.470 no mar.
