RGPD - Cookies
Vigo al día

O concelleiro Ángel Rivas amosa a súa disposición a «cooperar coa Xustiza»

Nun comunicado remitido aos medios de comunicación, o concelleiro Ángel Rivas- que ven de ser citado a declarar como imputado nos presuntos delitos de negociación prohibida a funcionarios e prevaricación administrativa– adianta «a miña absoluta disposición a cooperar coa Xustiza para o esclarecemento de todos os feitos».

Rivas asegura que acudirá a declarar o cal, subliña, «por fin me permitirá defenderme de acusacións completamente infundadas que se verteron sobre a miña persoa nos dous últimos anos e,que quero reiterar, son completamente falsas».

O concelleiro de Limpeza, Parques e Xardíns e Distritos, amosa o seu  respecto polas actuacións xudiciais e do Ministerio Fiscal, e insite, «defendereime destasacusacións falsas porque todo o traballo que desenvolvín realiceino sempre cun escrupuloso respecto á lei e á decencia. Estou convencido de que demostrarei a miña absoluta inocencia respecto das falsas acusacións das que estou sendo obxecto nalgúns medios de comunicación».

También te puede interesar