RGPD - Cookies
Comarcas

A Deputación destina 1 millón a concellos para actividades culturais, deportivas e sociais

A Deputación de Pontevedra aprobou a concesión de axudas aos concellos da provincia para o financiamento de actividades culturais, deportivas e sociais, no marco do Plan de Acción Municipal, cun importe dun millón de euros.

Subvenciónanse 215 actividades en toda a provincia, das cales o 40 % son de carácter socio-cultural como actividades formativas e de dinamización social, cursos de reforzo escolar, campamentos infantís e xuvenís, ludotecas, obradoiros, ximnasia, escolas de pais, ciclos de cinema, teatro, arte, festivais de música, e outros.

Así mesmo, a Deputación informou a través dunha nota de prensa que, de entre o total das actividades subvencionadas, «unhas 80» son festas tradicionais e populares, mentres que 50 son eventos deportivos.

Sete dos concellos de menos de 50.000 habitantes da provincia, recibiron un total de 73.000 € para o financiamento de 22 actividades, sendo o 50 % festas tradicionais e populares.

En Poio, Ponte Caldelas e A Lamba, a Deputación inverteu 36.000 €. Por outro lado, Barro e Cotobade reciben 11.000 €, Campo Lameiro 9.000, e finalmente Vilaboa levará 6.000 €.

 

También te puede interesar