O evento máis importante de Internet en Galicia ten lugar na provincia lucense, baixo a denominación #INLUGO14. Ás 16:30 horas comeza o congreso coa ponencia do corresponsal de guerra e blogueiro, Ramón Lobo; participarán a xornalista do Huffington Post, Delia Rodríguez; así como blogueiros de calado internacional, Pepo Jiménez o Efrén Vázquez.
A xornada que celebra a súa segunda edición, foi seguida en 2013 por máis de 2.000 internautas a través das redes sociais. A iniciativa cofinanciada nun 80% por fondos europeos do Innova-TE, ten como propósito fomentar o uso das novas tecnoloxías entre a poboación galega.
Tras esgotar as 200 entradas destinadas ao Salón de Actos da Deputación, auméntase a tirada para o Salón de Plenos. Os interesados poden conseguir unha acreditación gratuita en www.deputacionlugo.com ou www.inlugo.com.
