Unha representación da Asociación de Veciños de Teis presentou este luns no rexistro do Concello un documento de alegacións para que os orzamentos municipais de 2014 teñan unha partida de algo máis de 500.000 € á xestión do Centro Cívico e melloras no barrio.
“Non cremos que os orzamentos que se aprobaron inicialmente en maio recollan as necesidades de Teis e, por iso, presentamos estas alegación ben fundadas para que se aproben estas partidas”, indicou Anxo Iglesias, secretario da asociación vecinal.
Iglesias indicou que trátanse de 55.000 € para renovar o convenio que lles permita manter a xestión do Centro Cívico; 250.000 € para obras na rede de abastecemento e 200.000 € máis para a mellora e construción de novas beirarrúas.
O voceiro da asociación de veciños pediu ao Partido Popular- que aprobou os orzamentos para este ano xunto co PSOE- que atenda as necesidades de Teis e que deixe o seu “silencio cómplice co alcalde” no quie atingue ao centro cívico.
