A plataforma SOS Sanidade Pública mantivo un encontro este luns, en Santiago, no que os seus responsables salientaron a necesidade de transmitir á cidadanía unha alerta sobre a “inminente privatización masiva” de distintos ámbitos do sector que está a levar a cabo a Xunta.
No encontro, os integrantes da plataforma sobre un informe que alerta sobre a “inminente introdución de novas privatizacións na sanidade pública”, así como sobre os nexos de grandes multinacionais do sector con gobernantes a nivel galego, estatal e europeo.
“Os Gobernos privatizan servizos e regálanllos a empresas con nomes e apelidos e con amigos na administración”, criticaron e alertaron da perda de calidade dos servizos ou o acceso de terceiros a información médica confidencial a través da historia clínica electrónica.
Os integrantes da plataforma queren facer chegar as súas preocupacións á cidadanía e pedir a súa mobilización e colaboración para “blindar a sanidade pública” fronte á privatización.
En concreto, advertiron do peche de camas, as listas de espera, os “marxinados do sistema” e a confidencialidade da historia clínica.
