O BNG de O Porriño leva ao Pleno este mércores, a situación xudicial do alcalde, o popular Nelson Santos, e de dous dos seus edís, imputados por un suposto tráfico de influencias, malversación de caudais públicos, prevaricación e supostos delitos contra os dereitos dos traballadores.
O voceiro municipal do Bloque asegurou que “o alcalde non pode esconderse por máis tempo cando vai ser xulgado por feitos moi graves«. Pedro Pereira salientou que as investigacións «destaparon o que pode ser unha rede clientelar creada polo Partido Popular dende o concello, coa colaboración de empresas afíns, para saltarse os procedementos legais en contratación laboral, obras e servizos».
Pereira denunciou que o que pretendía o gobermo de Santos era “aproveitarse das persoas desempregadas facendo que ter un traballo dependese da relación co alcalde e co seu partido e non de criterios obxectivos de valoración».
