Segundo informa o Galicia Confidencial, o líder de Syriza, unha das principais formacións políticas gregas, Alexis Tsipras, participará a vindeira fin de semana en Compostela nun acto en apoio de Alternativa Galega de Esquerda -AGE-.
Syriza forma parte do mesmo grupo político europeo que AGE e que aspira a converterse na terceira formación política europea despois dos socialistas e dos populares europeos.
AGE quere que este acto no que participará Tsipras, ademais dos líderes de Anova e EU en Galicia, Xosé Manuel Beiras e Yolanda Díaz, e a candidata de AGE ás eleccións europeas, Lidia Senra, sexa o inicio da precampaña electoral desta formación.
Por iso, non dubidaron en poñer a disposición de aqueles militantes que o desexen autobuses que sairán desde Vigo.
