Galicia

Os traballadores de Frigolouro, á folga catro días, dende o 17

Os traballadores de Frigolouro acordaron este sábado en asamblea, celebrada en Porriño, convocar catro días de folga consecutivos a partir do 17 de marzo ante os recortes laborais e salariais que padecen, así como presentar demanda por conflito colectivo por modificación substancial dos dereitos dos traballadores.

Os traballadores denuncian “a fraude de contratación” de Frigolouro, dependente de Coren, xa que, aseguran, contrata traballadores encubertos como autónomos. O comité de empresa salienta que, mentres despediu 27 traballadores por conta propia, ao tempo que aumentou en máis de 60 traballadores a contratación deses falsos autónomos. O persoal da empresa conta con 350 traballadores fixos aos que se unen uns 160 autónomos.

 

También te puede interesar