Os vigueses empezaremos 2014 co encarecemento da electricidade, fixado finalmente no 2,3%, e incrementos nos prezos das peaxes de autoestradas, billetes de tren, Vitrasa, combustibles e recollida de lixo.
A suba da luz determinouse a finais deste ano nun real decreto lei que recolle un aumento do 1,4% para o custo da enerxía e outro do 0,9% correspondente á parte regulada, coñecida como peaxes. A suma de ambos os dous compoñentes dá como resultado o incremento final do 2,3%.
Pola súa parte, o prezo da peaxe da AP-9, subirá unha media do 1,85% a partir deste 1 de xaneiro: o traxecto A Coruña-Vigo situarase en 15,30 € -está en 15,05- e Ferrol-Tui superará os 20 €.
A suba non afectará ás dúas dependentes da Xunta así, o incremento das tarifas tras a aplicación do IPC interanual non supera os cinco céntimos en ningún dos traxectos das autoestradas AG-55 (Val Miñor) e AG-57 (A Coruña-Carballo).
En canto ao transporte por ferrocarril, Renfe subirá un 1,9% o prezo dos billetes dos trens de Proximidades, Media Distancia, tanto convencional como Avant, e Feve a partir do día 1 , segundo informou a operadora.
Tamén sube o Vitrasa: o Concello aprobou un incremento de 8 céntimos no billete ordinario de, un aumento que non afectará aos bonos- que seguirán en 86 céntiomos a viaxe. Elo supón que o viaxe normal pasa de 1,24 a 1,32 €.
Unha das principais novidades que inclúen os presupostos da Xunta para 2014 é a aplicación dunha suba do imposto sobre hidrocarburos o que suporá un incremento de 3,6 céntimos no gasóleo e de 2,4 céntimos en gasolina, e unha recadación adicional de 53 millóns de euros para o Goberno galego, que se destinarán a gasto sanitario.
O aumento non afectará, non obstante, ao sector profesional (aos transportistas), que tributará como ata agora, nin ao gasóleo de usos especiais, que é o que se emprega en sector primario e en calefacción.
Isto implica que o gasóleo pasará en Galicia dos 12 € por cada 1.000 litros (ou 1,2 céntimos por cada litro) actuais a 48 € por cada 1.000 litros (ou 4,8 céntimos por litro). Pola súa banda, a gasolina subirá dende os 2,4 céntimos que se aplican neste momento a 4,8 céntimos.
Outra das polémicas dos últimos meses estivo protagonizada pola suba, nun 33,5%, do canon que aplica Sogama aos concellos pola recollida e o tratamento do lixo, e que suporá un aumento do 33,5% na factura.
Esta medida, que implicará en torno a 1 euro mensual no caso de que os municipios o repercutan á factura de cada fogar, será efectiva dende o mes de marzo ao fracasar o acordo dos grupos parlamentarios para que os presupostos recollesen o seu atraso ata o mes de xullo.
