Sucesos

O avogado de Rosario Porto pide a súa posta en liberdade por ‘causas humanitarias’

A defensa de Rosario Porto solicitou de novo a posta en liberdade do seu clienta, despois de que o xuíz instrutor José Antonio Vázquez Taín rexeitase, por segunda vez, a mesma nun auto do pasado 4 de decembro.

No seu recurso de apelación o avogado afirma que “existen outros métodos ou medidas que poden salvagardar os fins que no seu día se consideraron oportunos” para mantela na situación de prisión provisional. Entre eles, cita pulseiras telemáticas, privala do pasaporte ou comparecencias no xulgado.

Xunto a “razóns humanitarias”, xustifica a súa petición para evitar “graves e irreversibles problemas de saúde nunha persoa que padece un lupus dende a súa xuventude e que está a ver fender o seu estado físico e a súa situación anímica, non só pola súa privación de liberdade, senón sobre todo pola irreparable perda da súa filla Asunta”, engade.

No seu escrito, o letrado de Porto rexeita, como fixo xa tras o ingreso en prisión do seu clienta o pasado 27 de setembro, -decisión ratificada pola Audiencia de A Coruña e agora pendente de resolución no Tribunal Constitucional- que exista risco de fuga, de destrución de probas ou posibilidade de “manipular” testemuñas.

 

También te puede interesar