O 061 asistiu durante a fin de semana a 76 persoas debido a 52 accidentes de tráfico acontecidos nas estradas galegas. Segundo a Central de Coordinación recibiu 66 chamadas entre as 3 da tarde do venres, día 8, e as 12 da noite deste luns , o maior número de atencións por sinistros rexistrouse o domingo, con 21 incidentes.
Os recursos sanitarios mobilizados polo 061 ascenderon a 60. En concreto, as ambulancias medicalizadas realizaron tres saídas; as asistenciais, 54; e os médicos de Atención Primaria prestaron asistencia en tres sinistros.
En 54 casos os feridos foron levados aos centros hospitalarios correspondentes, en nove ocasións a centros de primaria e doce recibiron asistencia no lugar do incidente sen necesitar traslado e unha persoa faleceu no lugar do accidente.
A proporción de homes e mulleres atendidos foi do 50% en cada caso, en canto ás idades dos feridos un 50%dos atendidos tiña entre os 15 e 34 anos.
A provincia de Pontevedra, con 25 sinistros, foi a provincia que rexistrou o maior número de accidentes durante os desprazamentos da fin de semana; seguida da Coruña, con 22; Ourense, con tres; e Lugo, dúas.
