O alcalde calificou este luns de “decisión privada moi respectable” a decisión adoptada este donmingo pola Asamblea dos Comuneros de Cabral rexeitando o proxecto comercial e de ocio de Porto Cabral. Abel Caballero engadiu que o goberno local “se atén” ao que figura no Plan Xeral de Ordenación Municipal sobre Liñeiriños, onde se di que ese ámbito ten que realizarse no primeiro cuatrienio, incluíndo a posibilidade de expropiacións.
“O Plan Xeral segue dicindo o mesmo que antes da votación”, engadiu o alcalde quen rexeitou valorar a decisión da Asamblea, repetindo que o. goberno local se “atén ao plan porque é a lei” e lembrando que o PXOM foi aprobado inicialmente cos votos de PP e BNG, “vexan o que dixeron ambos os dous e as razóns que daban”, invitou aos xornalistas.
Por último, explicou que non tivo contactos coa promotora de Porto Cabral, Eurofund, tras a decisión manifestada polos comuneros, pero que él mantén relacións con “tódalas persoas” que queren proxectos para Vigo.
