O traballador ferido tras a caída dunha grúa nas obras do aparcamento do Parrote, na Coruña, sofre traumatismo craneoencefálico severo e traumatismo torácico, ademais de diversos golpes e contusións, segundo o parte médico facilitado polo Complexo Hospitalario Universitario da Coruña (Chuac).
Pasadas as 11 da mañá deste xoves, o 112 recibiu o aviso do accidente na Avenida Francisco Vázquez e, axiña, mobilizáronse efectivos da Policía Nacional e do 061, que enviou unha ambulancia medicalizada e trasladou ao ferido ao Complexo Hospitalario Universitario da Coruña (Chuac).
