Vigo al día

Plataforma en Defensa do Ensino Público convoca unha manifestación este xoves en Vigo

A Plataforma Galega en Defensa do Ensino Público convoca para este xoves, coincidindo coa xornada de folga na educación, unha manifestación para mostrar o seu rexeitamento á Lomce e aos “recortes” da Xunta. A mobilización desenvolverase a partir das 11 e media da mañá e sairá dende a Praza de España, realizando un percorrido que concluirá na Porta do Sol.

A plataforma explica que o acto de protesta, ao que invita a participar a toda a cidadanía, ten o obxectivo de “esixir a retirada da Lomce, con todo o que ten de nocivo” e de “combater os recortes que a Consellería de Educación está a levar a cabo en materia de ensino”.

O colectivo denuncia a existencia de medidas como subida de taxas, redución de bolsas e endurecemento de criterios de acceso a elas, eliminación da gratuidad do comedor escolar para o alumnado transportado e “a suba do prezo que as familias terán que pagar para que os seus fillos vaian ao comedor”.

Tamén critica que “se segue recortando profesorado” ao non se cubrir xubilacións e que os mestres son cada vez “menos”, polo que lles toca “máis alumnado” e “impartir máis materias”.

A Plataforma pediu o Goberno central e á Xunta “un xiro radical nas súas políticas, ao tempo que incidiu na necesidade de que a sociedade sexa consciente de que “o ensino non é solo cousa da comunidade educativa”.

Finalmente, o colectivo vaticinou que, de seguirse como ata agora, se camiña “cara a unha sociedade moito máis inxusta e menos igualitaria” na que “só os fillos das familias máis acomodadas poderán chegar á universidade e os fillos da clase obreira serán solo man de obra barata”.

 

También te puede interesar