A Fiscalía solicitará, nun recurso ante a Audiencia Provincial de A Coruña, que se declare de oficio a nulidade dos contratos de participacións preferentes e subordinadas comercializadas por Novagalicia Banco, segundo informou o fiscal superior de Galicia, despois de que o Xulgado de Primeira Instancia número 11 de A Coruña condenase á entidade ao “cesamento destas prácticas”.
Durante o acto de presentación da memoria da Fiscalía galega correspondente a 2012, Carlos Varela amosou a súa discrepancia co fallo do Xulgado que condenou á NCG e dúas sociedades mercantís, vinculadas á entidade xa que a sentenza non entra na cuestión da nulidade dos contratos, despois de que, tras admitir a demanda da Fiscalía galega, rexeitase axuizar esta posibilidade.
O xuíz decidiu non admitir as reclamacións de nulidade e a petición de indemnizacións realizadas. O Fiscal recorreu o devandito auto, pero foi desestimado pola Audiencia Provincial de A Coruña en febreiro pasado.
