O administrador concursal de Pórtico presentou este luns o plan de viabilidade ao comité de persoal, no que formulan a aplicación dun Expediente de Regulación de Emprego de carácter extintivo para unhas 213 persoas, preto do 70% da plantilla que, na actualidade está integrada por 370 traballador@s.
Pórtico entrou en concurso de acredores o pasado mes de xuño, xunto coas outras dúas filiais do grupo, Silomundi e Dayaday, cunha débeda de 40 millóns de euros. A empresa xa tiña activo un ERE dende decembro de 2012 para o persoal de oficinas, e dende febreiro de 2013 para o persoal do almacén – ademáis dunha rebaixa do 7,5% nas nóminas -logo da baixada de vendas e o peche dalgunhas das tendas que ten en Portugal, Madrd e Galicia.
