Preto de 3.000 personas manifestáronse este domingo nunha protesta, convocada pola Asociación Monte Pindo, que percorreu as rúas de Compostela en defensa do rural galego, para esixir á Xunta medidas de prevención nos montes contra os incendios e reclamar a condición de parque natural para este enclave arrasado polo lume.
A marcha, que contou co apoio de máis de 80 entidades, transcorreu baixo o lema ‘Por unha Galiza sen lumes. Por un rural con futuro’. Durante o seu percorrido os participantes han coreado lemas como ‘Máis prevención, menos extinción’, ‘Non máis lumes”, ”Rosa Quintana dimisión” ou ‘Feijóo, culpable, ou pobo está que arde’.
En declaracións aos medios, o presidente da asociación Monte Pindo Parque Natural denunciou que a o goberno galego “ten esquecido o rural e aos montes gastando todo os orzamentos na extinción en vez da prevención”.
Gilberto Caamaño reclamou á Xunta que cumpra a petición que se leva facendo dende hai tres anos para declarar o Monte Pindo como parque natural, á que o conselleiro de Medio Ambiente, “fai oídos xordos“.
Caamaño denunciou que o Monte Pindo “quedou arrasado por enriba das 2.200 hectáreas” que di a Xunta e que si se declara monte natural “pode ser un impulso económico que axude e traia outro tipo de investimentos como o turismo verde” ou para volver reproducirse o pastoreo de cabras que existía hai décadas.
Nesta liña, pediu medidas “sen máis dilación” contra a erosión nesta zona para evitar que “17.000 toneladas de terra e cinza” baixen á ría de Corcubión, que “van afectar ao berberecho de Caldebarcos e reserva mariña de Lira”. En concreto, demanda a plantación de herba e gramíneas que fagan de dique de contención e poder evitar “outra catástrofe”.
