O vindeiro 19 de outubro, Vigo será o escenario da XXXVI edición dos Premios da Crítica, unha cerimonia que se celebrará baixo o lema ‘Auga limpa en fresca fonte’ para lembrar o 150 aniversario da publicación – na nosa cidade- de ‘Cantares gallegos’ de Rosalía.
Os premios entregaranse nun xantar no Pazo dos Escudos (2 da tarde), nas modalidades de investigación, creación literaria, música, artes plásticas e artes escénicas e audiovisuais.
Para cada categoría o xurado da Fundación Premios da Crítica de Galicia ven de nomear un xurado, entre outros os gañadores da edición anterior.
