Un incendio forestal rexistrado no concello ourensán de A Mezquita na tarde deste domingo continúa activo e os medios traballan na zona para tratar de controlalo. Segundo a Consellería de Medio Rural, o lume iniciouse preto das 6 da tarde na parroquia de Vilavella, e nos labores de control participan un técnico, dous axentes, nove brigadas, tres motobombas, unha pa, catro helicópteros e oito avións. Polo momento non hai estimación da superficie afectada.
Ademais, permanecen controlados outros dous lumes, en Boiro e na localidade ourensana de Chandrexa de Queixa. O incendio de Boiro, na parroquia de Macenda, está controlado dende as 6 da tarde e queimou 2 hectáreas. Nos traballos de extinción participan un axente, nove brigadas, tres motobombas, catro helicópteros e catro avións.
Así mesmo, tamén está controlad o lume de Chandrexa de Queixa, orixinado na parroquia de Rabal e que queimou 4,5 hectáreas. Nos labores de extinción participan un axente, catro brigadas, catro motobombas, catro helicópteros e catro avións.
