O alcalde advertiu este martes de que o plan de apoio a Peinador, que levará ao Pleno do Concello o luns – e que implica unha modificación orzamentaria de 363.000 € – é a última oportunidade para “salvar o aeroporto que, xa está claro, quere pechar o presidente da Xunta”. O devandito plan pasa por subvencionar coa devandita cantidade á compañía ‘Volotea’ que, salientou Abel Caballero, porá en funcionamento pontes aéreos con Valencia, Ibiza, Sevilla, Bilbao, Málaga, Alicante e Canarias, “con billetes a a 50 e 60 €” dende a primaveira de 2014.
O alcalde salientou que o Concello pode pagar esa cantidade porque “non hai que pagar os intereses de cancelación da débeda municipal” e adiantou que “todas as facturas que paguen os vigueses remitiranse á Xunta e a Deputación…son os que teñen que pagar, esto non vai a salirlles grátis”.
Caballero reiterou que «o único problema que existe actualmente, é que Lavacolla e Alvedro teñen unhas axudas que Peinador non ten” e esixiu que se se restableza inmedatamente, “hoxe mesmo” a “igualdade de competencia” entre os tres aeroportos galegos.
