Vigo al minuto

Preguntan a Fomento se o ILS de Peinador deixou de funcionar por estar rodeado de maleza

A portavoz do BNG no Congreso presentou unha pregunta por escrito na Cámara para preguntarlle ao Ministerio de Fomento se é certo que o ILS do aeroporto de Vigo non funcionou en días pasados por estar rodeado de maleza.

Olaia Fernández explica que o aeroporto de Vigo, “a pesar de contar desde hai anos co dispositivo ILS anti néboa, deuse o caso de que distintos avións non puideron aterrar en días pasados en condicións de néboa e foron desviados ao aeroporto compostelán”. A deputada do BNG sinala que “a explicación parece estar na existencia de maleza que rodea o dispositivo e entorpece a emisión de sinais”.

Destaca a deputada nacionalista que “algo tan simple poida ser a causa de interferencias no funcionamento do ILS” e critica que non se tivese retirado antes. “Sorprende a esta deputada que nun aeroporto como o de Vigo un simple problema de falla de mantemento provoque distorsións no funcionamento do ILS até o punto de impedir que aterren avións e teñan que ser desviados”.

Para Davila “unha infraestructura como Peinador debe contar cun servizo de mantemento óptimo posto que vai ligado a cuestións de seguridade”. Razón pola que dirixe a Fomento unha batería de preguntas: “Como explica o Ministerio que o ILS de Peinador estea rodeado de maleza? Hai problemas de mantemento no aeroporto vigués? Vanse adoptar as medidas de mellora precisas para evitar que se repitan estas sitaucións?”

 

También te puede interesar