Xosé Ramón Gómez Besteiro – presidente da Deputación de Lugo – camiña con paso firme cara á secretaría xeral dos socialistas galegos. Ao apoio do presidente do partido en A Coruña e Santiago, e o do ex ministro José Blanco, ademáis do PSdG de Lugo, súmase o anuncio do actual líder dos socialistas de Galicia, Pachi Vázquez, de que non se optará a outro mandato.
Vázquez se comprometeu a «traballar a tope con exquisita neutralidade» para garantir «un modélico» proceso. Asi o explicou este venres indicando que enviou unha carta aos cargos do seu partido na que traslada a súa decisión, ao tempo que os invita a «participar con ilusión e con ganas» nun proceso de «renovación dende a base», que cualificou de «histórico».
No anuncio da súa decisión eludiu falar de «deslealdades» cara a el, pero si insistiu na mensaxe de que agora «non se presenta o que non quere ou non pode» e en que o resto son «escusas de mal pagador». Aínda que non puxo nome ao destinatario, a mensaxe parecía dirixida aos que criticaron a súa xestión, pero finalmente avalan a Besteiro.
E é que Novo Socialismo Galego, que aglutina boa parte dos máis críticos con Vázquez, anunciou a súa intención de apoiar ao Besteiro, como o fixeron Caamaño e Branco. Ademais de Lugo e A Coruña, outras agrupacións como a compostelana son favorables ao aspirante lucense. Vigo mantén a incógnita, pero no partido considérase a posibilidade de que só Besteiro logre os máis de 1.000 avais precisos para concorrer ás primarias.
