RGPD - Cookies
Galicia

Os acusados de integrar Resistencia Galega decláranse inocentes e denuncian a súa indefensión

Os catro acusados de integrar Resistencia Galega declaráronse este xoves inocentes de todos os cargos que lles imputa a Fiscalía e denunciaron a vulneración do dereito fundamental á defensa.

Hai que lembrar que a Fiscalía solicita para Eduardo Vigo Domínguez e Roberto Rodríguez Fiallega unha pena de 20 anos de cárcere, e para Antón Santos Pérez e María Osorio López un de 12 anos de prisión, por delitos de integración en organización terrorista e falsificación de documento oficial con finalidade terrorista, así como tenza de aparatos explosivos nos casos de Vigo Domínguez e Rodríguez Fiallega.

Na súa alegación final, o avogado defensor esgrimiu a «violación de dereitos fundamentais» entre eles, o dereito á defensa dos seus clientes, a entender que “se vulnerou o principio de contradición, o dereito a un xuízo xusto e imparcial así como a igualdade de armas”.

O letrado denunciou que ao longo do proceso non tivo ocasión de facer «nin unha soa pregunta» aos peritos de intelixencia propostos pola defensa e agregou que «ningunha cuestión se puido formular» a varios dos peritos do fiscal, polo que solicitou que os seus informes non sexan tidos en conta.

 

También te puede interesar