A Deputación de Pontevedra levará a cabo o proxecto de mellora da capa de rodadura a través da aplicación dun tratamento antideslizante e de reposición de sinalización horizontal existente nas estradas provinciais da zona sur.
Trátase dun proxecto que ten por finalidade reforzar a capacidade de freado e control dos vehículos que se atopan con este problema durante o traxecto. O organismo provincial destina un orzamento de 504.652 € a este proxecto de seguridade viaria cun prazo de execución de referencia de 6 meses.
As actuacións levaranse a cabo nas seguintes estradas: E.P. 0103 N-550 Lago de Castiñeiras, tramos P.K. 0+000a P.K. 5+500; E.P. 0104 Ramal Igrexa de Figueirido, tramos P.K. 0+000a P.K. 0+670; E.P. 1103 San Benito- Domaio, tramos P.K. 0+000 a P.K. 2+500; E.P. 1205 Acceso Praia de Aguete, tramos P.K. 0+000a P.K. 0+364; E.P. 1307 Praia Lapamán, tramos P.K. 0+000a P.K. 0+195; E.P. 1308 Praia Lagos, tramos P.K. 0+000a P.K. 0+900; E.P. 1309 Praia Beluso, tramos P.K. 0+000a P.K. 0+500; E.P. 2204 Sabarís-Belesar, tramos P.K. 0+650a P.K. 1+400; E.P. 3302 Tabagón-Rosal-Portocelo, tramos P.K. 0+000a P.K. 1+180; E.P. 4305 Lougares-Piñeiro, tramos P.K. 4+820 a P.K. 8+980
A Deputación ten previsto tamén executar outros dous proxectos similares nas estradas da zona centro e da zona sur, cun investimento total superior ao millón e medio de euros.
