Vigo al minuto

CCOO e UGT secundan a concentración en defensa de Peinador, a CIG, non

Os responsables comarcais de CC.OO. e UGT en Vigo  confirmaron este xoves que as súas organizacións sindicais estarán presentes na concentración convocada polo alcalde, para o próximo 19 de xuño, en defensa de Peinador, tal e como declararon aos xornalistas logo de entrevistarse con Abel Caballero, xuntanza no que tamén estivo presente o responsable da CIG.

A responsable de CC.OO., Amelia Pérez, pediú á  Xunta que se implique para lograr que os tres aeroportos convivan e sexan viables, ao tempo que recordou que Vigo é a cidade con maior potencia industrial e económica de Galicia. “Parece que hai un plan para acantoar Vigo, co do aeroporto, o do porto nodal ou o de partido xudicial”.

O secretario comarcal de UGT, Antonio Juste, sinalou a “clarísima discriminación” que sofre Vigo en materia de axudas a voos, malia que “o 40% dos viaxeiros que salen dende Santiago, chegaron de Vigo”. “Están a asediar a cidade, queren que pervivan outros aeroportos a custa de Peinador” e, por elo, “Vigo tense que mobilizar para defender o que é seu, e non a teñen que tachar de localista por iso”.

Pola súa banda, o responsable comarcal da CIG, Serafín Otero, sinalou que a súa central non se sumará á convocatoria de Caballero, por considerar que o problema do aeroporto forma parte dunha conxuntura socioeconómica con outros moitos problemas. “A CIG convoca  á mobilización o 12 de xuño para defender o emprego e a industria”, concluiu.

 

También te puede interesar