O secretario xeral do Eixo Atlántico destacou que a organización «xa está a traballar na eliminación do ‘roaming’ telefónico entre España e Portugal”, en contacto con operadores que se están a mostrar «receptivos» para que desapareza a obriga de pagar por recibir datos fora da área de servizo local da propia compañía.
«Se o conseguimos nun ano, eu xa estaría feliz», sinalou Xoán Vázquez Mao nunha entrevista á Radio Galega na que, entre outras vantaxes, citou que a inexistencia do ‘roaming’ significa «que non tes problema con Internet» e «que se tes unha tarifa plana, as chamadas no outro país entran dentro da túa tarifa plana». «Estamos a falar de competitividade para as empresas e para o turismo», resaltou.
Vázquez Mao salientou que esta cuestión «non depende dos gobernos senón das empresas, polo que hai que buscar contrapartidas e convencer ás operadoreas de que o que poidan perder, vano gañar en cota de afiliación».
