A Consellería de Medio Ambiente, Territorio e Infraestruturas, a través da Axencia Galega de Infraestruturas (AXI), licita este martes a redacción do proxecto de construción para o desdobramento dos primeiros 3 quilómetros do corredor do Morrazo. A plataforma de contratación da Xunta publica hoxe este contrato de obra pública que implica a mobilización de 400.000 €.
O goberno galego considera “fundamental converter o corredor do Morrazo en autovía” para reducir os problemas de capacidade e seguridade viaria e “mellorar a estrutura territorial de comunicacións da comarca do Morrazo co eixe atlántico”.
Compre lembrar que a actuación, que ten unha lonxitude aproximada de 11 quilómetros e se desenvolve pola vertente sur da Península do Morrazo. Co obxectivo de facela viable, tense decidido dividir en tres subtreitos, iniciándose os traballos polo subtreito de 3,25 Km comprendido entre Rande e o enlace a Domaio.
As empresas interesadas en presentar as súas ofertas ao proxecto de construción do primeiro dos tramos dispoñen de 40 días, a contabilizar a partir deste mércores.
