RGPD - Cookies
Galicia

A UE dacordo en que o Goberno recurra ao Fondo de Depósito para pagar aos Afectados polas Preferentes

A Comisión Europea avala que o Goberno obrigue aos bancos sans a realizar unha contribución extraordinaria ao Fondo de Garantía de Depósitos (FGD) co fin de dar liquidez aos Afectados pola compra de Preferentes de Novagalicia Banco e Catalunya Banc alegando que así evítase que estes sufran unha segunda rolda de perdas.

«A Comisión non se opón á iniciativa española», explicaron fontes comunitarias. O Executivo comunitario distánciase así do Banco Central Europeo (BCE), que nun ditame do pasado 10 de abril desaconsellou a medida por considerar que poría en risco a liquidez do FGD á hora de protexer os depósitos garantidos en caso de insolvencia bancaria.

Bruxelas salienta que «en ausencia dun mecanismo de liquidez, os aforradoress poderían sufrir unha segunda rolda de perdas, que iría máis alá das quitas que xa se lles impuxeron» no troco de preferentes por accións das entidades nacionalizadas, xa que na actualidade non existe un mercado líquido e que funcione para estas accións.

En todo caso, o Executivo comunitario subliña que «só os investidores minoristas deben poder beneficiarse» desta posibilidade de vender as súas accións ao FGD. Ademais, resalta que «non debe poñer en risco a capacidade do FGD co fin de protexer os depositantes e garantir a confianza do mercado».

 

También te puede interesar