RGPD - Cookies
Galicia

Cada galego gasta ao ano 487 € en sanidade privada

Galicia rexistra un gasto por habitante en sanidade privada que alcanza os 487 €. Segundo os datos do informe ‘Sanidade privada, achegando valor: Análise da situación en 2013’, elaborada polo Instituto para o Desenvolvemento e Integración da Sanidade (IDIS), Madrid, País Vasco, Cataluña e Baleares son as comunidades que contan cun maior gasto en este indicador, case o dobre que Murcia, Asturias ou Extremadura,

En concreto, e segundo os datos de 2012 recompilados por esta entidade, que agrupa ás principais aseguradoras e grupos hospitalarios privados de España, en Madrid o gasto por habitante en sanidade privada é de 676 €.

A esta séguenlle País Vasco (648), Cataluña (580), Baleares (560), A Rioxa (510), Castela e León (508), Cantabria (493), Galicia (487), Navarra e Castela-A Mancha (as dúas con 475), Aragón (435), Comunidade Valenciana (419), Canarias (390), Andalucía (383), Asturias (365) e Murcia (320).

O último informe do IDIS destaca o peso que segue xogando a sanidade privada para o mantemento do Sistema Nacional de Saúde (SNS), xa que supón un 2,45 % do Producto Interior Bruto (PIB) español e un 26,2% do gasto total en sanidade.

Isto é grazas a que o número de asegurados segue crecendo, un 1,25% en 2012 ata os máis de 6,9 millóns de personas, o que «contribúe á descarga e o aforro do sistema público», de 1.174 €por paciente e ano se o paciente é usuario único da sanidade privada e de 569 € se realiza un uso mixto.

 

También te puede interesar