Galicia

O número número de traballador@s galeg@s afectados por un ERE increméntase preto dun 50%

O número de traballadores afectados por expedientes de regulación de emprego (ERE) autorizados ou comunicados ás autoridades laborais incrementouse un 47,4% entre xaneiro e agosto en Galicia, ata chegar ás 18.590 persoas, de acordo cos datos do Boletín de Estatísticas Laborais do Ministerio de Emprego e Seguridade Social.

En toda España, o número traballadores afectados por ERE aumentou un 53,3% nos oito primeiros meses do ano en comparación co mesmo período de 2011.

En Galicia, víronse afectados por expedientes de extinción un total de 2.362 traballadores, un 2,92% máis que entre xaneiro e agosto do ano pasado. Os ERE de suspensión alcanzaron 11.917 empregados, o que supón un 38,07% máis, e os de redución de xornada a 4.311, máis do dobre que no mesmo período do ano pasado.

O número de estos expedientes situouse, ata agosto, en 1.684, o que representa un aumento do 82,45% respecto a hai un ano, de acordo co boletín do ministerio.

 

También te puede interesar