A Asociación Cultural O Coto, da parroquia de Cabral, ven a organizar por oitavo ano, un “fermoso e fácil percorrido” polos montes veciñais en Man Común das Parroquias de Cabral e Candeán o cal é coincidente na gran maioría co Sendeiro Panorámico de Vigo.
Esta iniciativa partiu coa idea de dar a coñecer ós veciños das parroquias de Candeán e Cabral e resto dos cidadáns de Vigo os seus excepcionais montes , con multitude de pistas e camiños aptos para a práctica do sendeirismo e asequibles a persoas de calquera idade ou condición física.
As persoas interesadas en participar deberán de estar a las 9 e media da mañán no Parque Forestal do Viaxiador, en Candeán, para o reparto de auga, e un agasallo, antes da saída, que será ás 10. En total recorrerán 7 kilómetros, ate o Parque Forestal de Cotogrande, en Becerreira-Cabral. Ademáis de repartirse auga, froita, refrescos, sorteo de agasallos ao remate do percorrido e un autobús gratuito para voltar ao punto de partida para recoller os coches.
