A Consellería do Medio Rural informa da extinción do incendio forestal rexistrado no concello ourensán de Manzaneda, parroquia de Soutipedre. O lume comezou preto das 3 da tarde deste sábado e quedou apagado ás 03:30 horas desta madrugada. Segundo últimas estimacións provisionais, a superficie afectada é de 28,2 hectáreas, a maioría delas, 26 hectáreas, son de monte raso e o resto de arborado.
Nos traballos de extinción deste incendio participaron 6 axentes forestais, 13 brigadas, 7 motobombas, 1 pala, 5 helicópteros e 9 avións.
