Os nosos compañeiros de vigolowcost lembran que a finais de setembro comenzan novos cursos gratuitos de formación musical e de artes escénicas en Súbete ó Castro, o espazo de ocio alternativo que ten a Concellaría de Xuventude de Vigo no monte de O Castro. Se tes entre 13 e 35 anos poderás apuntarte a partir de mañá nos cursos deguitarra, batería, técnica vocal, breakdance e improvisación teatral que se impartirán neste espazo entre o 24 de setembro ata o 22 de decembro (¿chegaremos ata esa data?).
Os cursos
Aquí tedes os cursos ofertados, en todos os casos son sesións de unha hora.
- Guitarra: os martes ás 17:00, 18:00 ou 19:00
- Batería: os mércores ás 16.00, 17:00, 18:00 ou 19:00
- Técnica vogal: os xoves ás 17:00 ou ás 18:00
- Improvisación teatral: os venres de 19:00 a 20:00
- Breakdance: os sábados de 17:00 a 18:00
Neste enlace podes consultar o programa completo e horarios dos cursos. Para apuntarte só tes que descargar a ficha de inscrición, cubrila e entregala a partir de mañá sábado 1 de setembro en Súbete ó Castro (Paseo dos Cedros, s/n, ao lado da pista de bicicletas do Castro) dentro do horario de atención ao público, que é de luns a xoves de 16:00 a 20:00 ou de venres a sábado entre as 16:00 e as 22:00.
Para máis información:
- xuventudevigo.org
- Perfil en Facebook
- Tlf: 986.485.541
- Mail: [email protected]
Se queres coñecer otruas propostas pincha aquí.
