Un xoves máis, os sidicatos Confederación Intersindical Galega (CIG), CCOO, UGT, CSIF, CESM, OMEGA, SATSE, USAE, ANPE, STAJ, CEP, SUP, UFP, AUGC, UniónGC, CGT e USO, chaman aos traballadores das administracións públicas a manifestarse contra os recortes de o Goberno.
Segundo o chamamento feito polas centrais, “o conxunto de medidas do PP teñen como obxectivo último desmantelar todas as conquistas sociais e laborais no sector público, xa que non se está só a falar de reducir salarios ou eliminar pagas extra senón tamén de destruír emprego reducindo a administración e, polo tanto, eliminando os servizos que até o de agora esta prestaba para provocar a súa privatización”.
As manifestación serán en A Coruña, 19:30 horas dende a Praza de Pontevedra; Ferrol, 20:30h dende a Praza de España; Santiago, 20:00 horas na Praza Roxa; Lugo, 20:00 horas dende o Edificio administrativo da Xunta; Ourense, 20:00 horas dende o Pavillón dos Remedios; Pontevedra, 20:30 horas dende a Praza da Ferreiría, e Vigo, 20:30 horas dende a Vía Norte.
