Vigo al día

Festa da Cultura, esta fin de semán na Porta do Sol

Durante dous días, este sábado e mañán, domingo, na Porta do Sol, celébrase a mostra dos Centros Culturais de Vigo, a coñecida ‘Festa da Cultura’, que hoxe foi inaugurada polo alcalde. A través de diferentes exposicións, os asistentes poderán as actividades que realizan as asociacións culturais da cidade, que abranguen dende baile e música, pasando por artesanía, traballo co coiro, de madeira ou textis.

Este sábado, haberá actividades organizadas e nas que participan as asociacións culturais ‘Quixumes’, ‘Os trasnos da gaita’, ‘Lembranzas galegas’, o Grupo de Danza Helios, de Bembrive, ‘ A Buxaina’, ‘Froles Novas’, ‘Andarela’ ou ‘Os ventos de Comesaña’.  A festa seguirá ate as 2 da mañán no celebfrado ‘Serán Popular’, que comezará pasadas as 11 da noite.

O domingo, dende ás 11 da mañá ás 10 e media da noite, estará adicado á música, coas actuacións do Grupo de Gaitas de Cabral, o de Baile Moderno de Matamá ou a Banda de Música do Ateneo de Bembrive. Ás 4 do serán, actuará Alberto Cunha e o peche correra a cargo de ‘Son de seu’.

 

También te puede interesar