RGPD - Cookies
Galicia

Nais que asumen soas as responsabilidades familiares pasarán unha semán no Mediterráneo

Un grupo formado por 39 nais residentes nas catro provincias de Galicia, co denominador común de asumir en solitario as responsabilidades familiares, van participar a partires deste domingo unha estadía de tempo libre que anualmente convoca a Secretaría Xeral da Igualdade. Elas, acompañadas polas súas 58 fillas e fillos menores de 12 anos ao seu cargo, van pasar , ate o 1 de xullo, unha semana de convivencia nunha localidade da costa mediterránea.

O maior número de participantes son residentes na provincia de Ourense, con 33 persoas, seguida da Coruña con 31, a provincia de Pontevedra con 28 e outras 5 persoas residentes na provincia de Lugo.

A experiencia pon ao alcance das persoas participantes, adultas e menores, a posibilidade de compartir as súas vivencias nun clima relaxado, de respeto e de confianza, con actividades especializadas e orientadas por tres monitoras e un monitor para influir no benestar persoal e familiar do grupo. Obradoiros para favorecer a comunicación interpersoal, xogos para estimular o traballo en equipo, técnicas de relaxación, prácticas deportivas ou estratexias para mellorar o nivel de autoestima son algunhas das propostas de actividades que van desenvolver ao longo da semana.

O obxectivo desta iniciativa é facilitar un espazo e un tempo para a convivencia de calidade e mellorar o benestar daquelas mulleres que se ven obrigadas a asumir en solitario as responsabilidades familiares sobre as súas fillas e fillos.

 

También te puede interesar