Este xoves un centro de baixas presións situarase ao Norte de Galicia, polo que haberá algún cambio no tempo, o que supón que, en contra deo que sucedeu ata onte, os ceos estean moi nubrados nas bisbarras atlánticas, con algunha chuvia débil e ocasional, mentres que no resto haberá intervalos anubrados con momentos de apertura de grandes claros.
Segundo as prev isións de MeteoGalicia, as temperaturas mínimas experimentarán un moderado ascenso e as máximas entre un moderado e notable descenso, agás no Norte de Lugo, onde ascenderán e a sensación será de calor pola tarde. Así, a máxima corresponderá a Ourense e Ribadeo con 26 graos, e o resto dos valores máximos moveranse entre os 25 e 17 graos. As mínimas descenderán ata os 12 graos en Santiago e Lalín e os demais oscilarán entre os 13 e 15 graos.
