O voceiro de servizos sociais do BNG preguntará ao Goberno galego se ten previsto aplicar o «copagamento» nos centros ocupacionais para persoas con minusvalidez, tras a «información recibida polas familias dos usuarios do centro ocupacional Saiar de Caldas de Reis».
Manuel Parga sinalou que as familias afectadas foron convocadas pola dirección e informadas polo xefe territorial da Consellería de Traballo e Benestar de que, “despois das vacacións de decembro, deberían contribuír economicamente polos servizos recibidos no centro, achegando un 38,7 % das pensións por minusvalidez que reciben”.
O centro atende 40 persoas e, ata o momento, non realizaban ningún copagamento. O anuncio «está a crear gran preocupación nas familias dos usuarios, que verán diminuídas as súas economías para facer fronte a esta medida».
