Arrasou. A selección galega sigue batendo récords e acadando resultados históricos no Open de Arrigorriaga, no que conseguiron 28 medallas: 10 ouros, 8 pratas e 10 bronces. Ademais, Miguel Martínez foi elixido mellor competidor e Gerardo Ortiz recibiu unha mención como mellor técnico do campionato.
E iso que a Federación Galega de Taekwondo acudiu ao Open, que é para a categoría júnior, cun equipo mixto, formado por 24 deportistas da categoría júnior e 16 do último ano de cadete, para darlle unha oportunidade a competir a un nivel superior a estes últimos. Os rapaces galegos responderon a un altísimo nivel conseguindo esas 28 medallas e ademais houbo catro finais galegas, polo que os resultados foron os mellores da historia neste Open, ao que a Federación Galega acude regularmente para seguir nesa liña de darlle a oportunidade aos seus deportistas de competir ao máis alto nivel para mellorar a súa formación.
