Eso asegurou hoxe o alcalde que ofreceu hoxe xoves a «toda a cooperación» municipal para reformar a explanada de Bouzas, proxecto presentado onte pola Autoridade Portuaria e que o Concello defende ampliar coa construcción do túnel que posibilite a peonalización da superficie.
«O Porto ten que acometer o túnel de Bouzas«, apostillou Caballero, como está previsto no Plan Especial do organismo, e este ten que «coordinarse» co aparcadoiro soterrado que o Concello proxecta á altura da pérgola de Jenaro de la Fuente. O alcalde non se opuxo ao acondicionamento dos xardíns pero avoga pola «gran acción que Bouzas merece».
«Creo que é o momento de abordar con ambición o túnel de Bouzas e a humanización de toda a superficie» do barrio vigués, apostillou Caballero, para o que o Concello ofreceu colaboración á entidade portuaria.
Mercadillo
Abel Caballero informou que hoxe xoves recibiu un escrito da Autoridade Portuaria plantexando o traslado do mercado dominical de Bouzas por mor das obras que prevé acometer. A este respecto, o alcalde ofreceu a «cooperación» do Concello na procura dun novo emplazamento -que «non vai ser fácil«- e asegurou que a feira non voltará en ningún caso á Alameda Suárez Llanos.
O alcalde afirmou que o mercado dominical está actualmente nunha «moi boa ubicación«, acordada co Porto de Vigo e cos veciños e comerciantes, e é «moi importante» para a antiga vila mariñeira polo seu efecto no comercio da zona.
