Os tres partidos políticos con representación no Concello, PSOE, BNG e PP, votaron hoxe a prol de non incluir partidas económicas no orzamento municipal de 2011 para financiar o chamado «plan Moneo» para a Praza do Rei.Tras unha moción presentada polo PP, o goberno municipal reiterou que «o proxecto Moneo» -explicou o socialista Carlos López Font- «non vaille custar un euro aos vigueses«, e defendeu a planificación do prestixioso arquitecto para a reordenación da Praza do Rei e do Castelo de San Sebastián, que contempla o derrubo do actual edificio do Concello e a construcción dun novo.
A este respecto, o popular López-Chavez defendeu que «o PP teno claro: nestes momentos non» ao gasto público para este proxecto, debido á crise económica que atravesa o país. Denunciou que este é un «proxecto poco serio, opaco e pouco transparente» no que o goberno local xa gastou 120.000 euros no estudo arquitectónico e en maquetas.Tanto os socialistas como os nacionalistas, integrantes do goberno municipal, rexeitaron reiteradamente a opción de incluir partidas orzamentarias para este proxecto, que «tamén xerará emprego» e significa «riqueza e promoción da cidade».
