Serán ‘Momentos’ deliciosos. A cantante portuguesa Dulce Pontes será a encargada de amenizala noite de Tui cun concerto a partir das 22:30 horas no aparcamento municipal, na traseira da Área Panorámica, con entrada de balde. Faino para presentar o seu último disco, no que fai un compendio dos 20 anos no mundo da música unindo a tradición portuguesa cos sons doutras latitudes.
A voz de Portugal chega para ofrecer un momento de intimidade, frenéticos, inesperados… así coma instantes únicos vividos nos escenarios no intento por recuperar o fado tradicional. Dúas décadas de carreira musical cos que deleitar ao público máis esixente.
