Os rapaces a partir de 3 anos teñen un oco gardado no Museo de Arte Contemporáneo de Vigo. O Marco continúa cos seus obradoiros de verán, que se celebran de martes a venres de 12 a 14 horas, con 40 prazas de balde para que os máis pequenos da casa pasen un bo rato so ou acompañado por un adulto.
Hoxe as actividades xirarán arredor da obra ‘Terminal Screen’, de Liam Gillick. Baixo o nome ‘O fondo máxico’, os rapaces descubrirán que os filtros con distintas tonalidades de cor poden cambiar a nosa percepción das cousas. E para iso, construirán un escenario en tres dimensións no que aplicarán filtros de distintas cores.
