RGPD - Cookies
_agenda Agenda

Unha vida chea de poética no Verbum

Avelino Saavedra.
Avelino Saavedra.

Naceu coa ilusión de por un graniño de area no complexo mundo da poesía, no que ademais dos libros existes os poetas, os comportamentos poéticos, a vida como un xeito de facer arte. Por iso, ‘Poéticas para unha vida’ reúne nesta edición 14 propostas de poesía viva, oral, de acción, sonora, teatral… Diferentes xeitos de abordar o feito poético. E esta tarde tócalle o turno a Avelino Saavedra e a Antón Lopo, que amosarán de que son capaces ás 20 e 21 horas no Verbum de Samil.

Avelino Saavedra é un artista plástico, un performer, un músico e, ante todo, aviofóbico. Desde o ano 200 practica a arte de acción, mostrando o seu traballo en encontros e festivais de toda España. É capaz de cousas tan atípicas como o ‘Estudio de anatomía’, unha idea do poema como un ente orgánico animal, susceptible de ser diseccionado e analizado, un exercicio de práctica forense entre a poesía sonora, o videopoema, a música improvisada e a acción poética.

Antón Lopo.
Antón Lopo.

Pola súa banda, Antón Lopo desenvolve unha traxectoria interdisciplinar que abrangue a poesía, a narrativa ou a performance. Autor do poemario oral ‘Prestidixitador’, co que percorreu media Europa, ou da peza teatral ‘Os homes só conta ate tres’, que lle valeu o Premio Álvaro Cunqueiro, Lopo traballou durante dous anos nun lameiro da Ulloa para o seu proxecto ‘Dentro’.

También te puede interesar